Simplas

Simplas ya iku kontinum sitoplasma kang gegayutan déning plasmodesmata ing tuwuhan lan duwé fungsi kanggo ngangkud banyu lan mineral saka oyot tekan xilem.^[1] Prosès panyerapan banyu lan zat hara ing oyot tuwuhan bisa lumantar dalan loro, ya iku ing jaba pembuluh lan ing jero pembuluh.^[2] Pangangkutan ing jaba pambuluh kapérang dadi apoplas lan simplas.^[3] Simplas ngemot sitoplasma kabèh sel tuwuhan lan vakuola.^[2] Simplas miangka siji unit amarga protoplas sel kang jinejeran tansah gegayutan lumantar plasmodesmata.^[2] Bahan kaya ta glukosa bisa ngliwati plasmodesmata saka sel tekan sel kaping éwon luwih rikat tinimbang karo nembus membran lan dinding sel.^[2] Nanging partikel kang luwih gedhé saka 10 nm ora bisa ngliwati plasmodesmata.^[2]

1. ↑ Campbell NA, Reece JB, Mitchell LG. 2002. Biologi, Edisi Kelima, Jilid I. Jakarta: Erlangga. Hal:G2. ISBN 979-688-468-2
2. ↑ ^{a b c d e} Salisbury FB, Ross CW. 1995.Fisiologi Tumbuhan. Indonesia: Penerbit ITB Bandung. Hal 22. ISBN 979-8591-20-8.
3. ↑ Furqonita D. 2007. Biologi. Indonesia: Penerbit Yudistira. Hal 177. ISBN 978-979-746-789-0.